ASININAE Aures digitis formatae

ASININAE Aures digitis formatae

stupidum aliquem et asinum denotabant. Salmas. in Tertullian. de Pallio, ubi de variis digitorum ad aliquem deridendum formationibus, p. 338. Sed et Asininae aures attentionis ac oboedientiae symbolum, in celebri Apellis pictura, quâ officia servorum Auribus huiusmodi, naribus porcinis, manibus omni instrumentorun genere refertis, humeris patulis, ventre macilentô, pedibus cervinis, labusque obseratis, repraesentavit etc. Certe nec Illustres Familiae ab iis abhorrent. Asiniae enim Aures nigrae, affixae pileo lato eiusdem coloris, seutum texêre Theodorici et Richardi fratrum, dictorum Zolver, e Famil. Dauniae Comit. circa A. C. 1478. Inter similes aures, rota purpura 6. radiorum, sapra galeam cyanô corontam, in Dominorum olim Heusdae clypeo, comparuit, vide Spenerum, ubi de Duc. Iuliac. Cliv. et Montium, §. 4. Etiam inter apices Salmanses coccô altera, altera argentô tincta visitur. Porro inter apices Trautmansdorfios, Gumpenbergicos, Abenspergios, Cronbergios etc. eiusdem animalis aures conspiciuntur, uti apud eundem videre est, Artis Herald. Part. 2.